CEBU – Daku ug papel ang mga local chief executive sa kontrobersyal nga Kabus Padatu-un (KAPA) Ministry International, Inc.
Kini ang gitataw ni outgoing Compostela Mayor Joel Quiño.
Matud ni Mayor Quiño nga adunay katungud ang usa ka mayor nga dili manginlabut sa maong hisgutanan apan giklaru niini nga angayan nga hunahuna-un nga sila adunay responsibilidad sa ilahang mga lungsaron.
Sigon pa nga usa sa ilahang responsibilidad mao ang dili tugutan nga adunay ma-ilad sa iyahang katawhan niining mga investment scam susama sa KAPA.
Giingung responsibilidad sa mayor nga bantayan ang iyahang katawhan nga dili mahitumpawak sa mga dili maayu nga kaugmaon.
Gibutyag ni Quiño nga katuyu-an sa matag mayor mao nga mapugngan nga dili na mulamay ang maong pagpangilad.
Dugang pa, daku ug papel ang mga local chief executive sa pag-monitor sa mga mugawas ug musulud sa ilahang lungsod ug daku sila ug kahigayunan nga mupasabut sa mga tawu nga dili magpadala sa mga pagpangilad.
Gihimug-atan ni Mayor Quiño nga ang mga mayor nga wala manginlabut niini posibling nalambigit sa maong investment scam.
