CEBU CITY — Giangkun ni outgoing Cebu City Mayor Tomas Osmeña nga gikan sa iyahang kamanduan ang pagpaguba sa mayor’s office.
Matud ni Mayor Osmeña nga iyahang gastu ang pagpanindut sa maong opisina ug dili naman siya ang maglingkud niini hinungdan nga iyaha na kining gipaguba.
“But it is equally rare for the SP (Sangguniang Panlungsod) rejected my request to fix the mayor’s office so I spent my personal money with some friends so I can have a functional office. I did that for Cebu, not the next guy. I spent for all that was removed, even my parents furniture,” sigon pa ni Osmeña.
Kini ang butang nga gikabalaka ni incoming Cebu City Mayor Edgardo Labella hinungdan nga nagpa-standby kini ug mga police sa ika-9 nga andana sa City Hall kung diin nahimutang ang opisina sa mayor.
Una niini, basi sa blotter report, adunay 27 ka mga tawu nga gikan sa DAKAY Construction ang miguba sa opisina kung diin gipagawas ang mga furniture.
Gibutyag ni Labella nga usa ka damage to property ang nahitabu, gumikan kay gipanag-iya man sa gobyerno ang maong propridad nga giguba.
Nasayran nga wala na mu report sa opisina ang mga tawu ni Osmeña.
