CEBU CITY– Gikwestyon ni Dr. Clarita Carlos, political science professor sa University of the Philippines ang mga legislators sa nahitabong term sharing ug pag-indorso ni Presidente Rodrigo Duterte og house speaker.
Sa pakighinabi sa Bombo Radyo Cebu kang Dr. Carlos, giingon niini nga dunay mahitabo nga administrative consequences ug administrative chaos kung ugaling man. Kini tungod kay siguradong mag-usab-usab ug mag-ilis-ilis na usab og mga committee.
Sigon niini nga maong naay mga legislator para duna silay kaugalingong desisyon apan sa nahitabo karon daw susama nga wala na kini makahuna-huna gihatag nalang ang desisyon sa presidente.
Nakapangutana pa ang political analyst kung mga ‘bolok’ ba ang mga legislator.
Gihimug-atan usab ni Carlos nga tungod kay presidential form ang gipili nato nga government kinahanglan nga sundon kini mao nga dili ma ‘fuse’ ang executive ug legislature.
Bisan paman, naglaum si Caros nga andam kini sila sa kung unsa man ang mahitabo.
