BOHOL-Patay ang usa ka High Value Target human nga nakigpinusilay sa mga otoridad atol sa drug raid sa panimalay niini sa may Barangay Cahayag, Tubigon, Bohol.
Naila ang subject nga gikonsiderang bigtime drug supplier nga si Richie Banquil, 31 anyos.
Sigon ni Police Corporal Eric Ramos sa Tubigon Police Station nga ang operasyon, gipangulohan sa Regional Special Operations Group (RSOG) 7 kung diin magsilbi na unta kini og warrant sa subject human nga dugay na usab kini nilang gi -surveillance ug gipangita.
Apan nakabantay matud pa kini nga nagpadulong na ang pulis sa iyang panimalay hinungdan nga nagpabuto kini sa iyang armas.Milanat pa og 15 minutos ang pinusilay apan naigo ang biktima.
Gisuwayan pa kini og dala sa tambalanan apan nakabsan kini sa iyang kinabuhi.
Nakuha sulod sa panimalay sa subject ang usa ka kilo nga shabu nga mukantidad og P6.8 million pesos.Nakuha usab ang 169 ka mga tabletas nga gidudahang mga ecstacy, 9mm and .45 caliber pistol.
Nasuta nga dunay bodega ang balay sa subject diin didto gipundo ang mga supply shabu sulod sa usa ka tea container.
Nasuta usab nga gikan matud pa sa Cebu ang shabu nga supply niini .
Samtang laing 4 usab ang naaresto otoridad atol sa maong raid sulod sa balay ni Banquilan. Lakip niini ang iyang igsoon nga si Christina Banquil, 33 anyos ug lain pang 3 ka tao.
