Rama-Ong tandem sa 2020 election, ‘imagination’ lang- VM Rama

CEBU CITY-‘Imagination’ kun imahinasyon lamang matud pa ang nanggawas nga taho nga sa umaabot nga tuig 2020 magtandem sa election si Cebu City Vice Mayor Mike Rama ug si ABC President Franklin Ong kung diin si Rama ang mudagan pagkamayor ug si Ong ang bise.

Kini ang gitino ni Rama sa dihang nahinabi sa Bombo Radyo Cebu subay na sa mga nanggawas sa social media.

Wala matud pa kini kamatuoran ug layo pa kaayo ang election sigon ni Rama.

Gihimug-atan niini nga daghan og dako pa sila og challenge nga gi-atubang karon mao nga mas mopokos lang usa siya karon sa serbisyo publiko aron nga kini mahan-ay.