CEBU CITY-‘Railings’ ang maoy makatabang sa pagpakgang sa suicide sa Mactan Briddge ug dili ang pag ‘ban’ sa mga magbiseklita nga muagi dinhi.
Kini ang gihimug-atan sa usa sa mga inila nga manlalaban sa Sugbo ug usa ka bike enthusiast nga si Atty. Gerry Carillo kinsang usa sa mga wala mu-uyon nga i-ban ang pagamit sa bisikleta sa maong taytayan bisan paman og nalibkas na kini.
Sigon ni Carillo nga ‘anti-poor’ ang maong lakang sanglit duna may mga migamit og biseklita isip ilang transportasyon padulong sa trabahoan. Dugang pa niini nga usa usab kini ka matang sa exercise.
Hinungdan nga dili matud pa kini ang igong rason para malikayan ang suicide sa maong taytayan nga mas mi grabe pa karon.Sigon ni Carillo nga maong dali lang kaayo nga maka-ambak ang si bisan kinsa sa maong taytayan, tungod kay wala may railings.
Gawas sa railings mas maayo usab matud pa nga naay CCTV gawas sa police visibility para nga ma-alarma ug makita dayon kung dunay boot nga magpakamatay.
Ang railings usab ang ibutang matud pa distansya sa pedestrian lane aron nga kung ang tao nga gusto nga magpakamatay, mukatkat pa sa railings ug niining pa-agiha dali dayon madetect sa mga otoridad og mapugngan pa ang insidente sa suicide.
Dason sa abogado nga kung walay railings, bisan pa og naay police maka-ambak ra dayon ang si bisan kinsang gusto nga magpakamatay.
