CEBU CITY-Dili tanan bati ang nahitabu, adunay mga butang nga maayu sulud sa 21 katuig nga pagpangulo ni kanhi Presidente Ferdinand Marcos sa Pilipinas ubus sa Martial Law regime.
Gibutyag ni Dr Clarita Carlos, UP-Diliman professor, nga daghang nahimu si Marcos bisan pa man ug ubus ang nasud sa ‘batas militar’ ug gikinahanglan kini ug makuti nga pagpanukiduki.
Matud sa propesor nga angayan ang pagpanukiduki sa mga iskolar ug dili ni bisan kinsa nga adunay political interest arun nga dili bias ang nakapatik sa kasaysayan.
Apan giangkun usab ni Dr. Carlos nga ang mga maayu nga gibuhat ni Marcos ang natugbangan usab sa dili mga maayu human kini nga nahimung diktador.
Nagkanayun si Carlos nga maayu ang intensyon sa martial law nga gipatuman apan giingung ang proseso nga gigamit ang dili makatarunganon.
Karung adlawa gihandum ang ika-47 nga anibersaryo sa Martial Law nga gideklarar ubus sa Proclamation No. 1081 diin gitawag sa kadaghanan nga pinaka-ngitngit nga bahin sa kasaysayan sa Pilipinas.
