CEBU CITY-Usa ka welcome development alang sa usa ka cavaliers ang pagkanaug sa pwesto ni PMA Superintendent Lieutenant General Ronnie Evangelista.
Gibutyag sa kanhi kongresista Gary Alejano ug usa usab ka produkto sa Philippine Military Academy, nga maayu ang gihimu ni Lt. General Evangelista gumikan kay giingung daghang mga commander nga dili mahimu ang pagkanaug sa pwesto bisan pa man nga aduna na’y palpak nga gibuhat.
Matud ni Alejano nga usa ka pagtahud sa hanay sa cavaliers ang gibuhat ni Evangelista ug gibarugan niini ang ‘command responsibility’ isip usa ka lider.
Nasayran nga una nang mihatag ug pagdayeg si Senator Ping Lacson kang Evangelista pinaagi sa social media post niini diin nagkanayun nga wala nagduko sa kaulawan ang heneral inay adunay pagtahud ug dungog, pagtahud gikan sa iyahang mga kauban nga cavaliers.
Kahinumduman nga mikanaug sa pwesto si Lt. General Evangelista human ang pagkamatay ni Cadet 4th Class Darwin Dormitorio nga giingung biktima sa hazing sulod sa PMA. (SBR)
