CEBU CITY-‘Strict Implementation’ matud pa sa Operation Second Chance ang hinungdan nga mi-iskapo ang mga 22 ka mga menor de edad sa nakalabay nga semana. Kini ang gibutyag ni Ambrosio Ibones, ang executive director sa naasoy nga pasilidad.
Sigon niini, nga tungod sa strikto nila nga implementasyon karon sa security, nawad-an na matud pa og ‘buhay-buhay’ ang mga naa sa sulod.
Gibutyag ni Ibones nga nadiskubre nila nga dunay mga kontrabando nga ipasulod sa second chance sama sa shabu ug mga sigarilyo nga maoy gihimo nga panginabuhi-an sa mga batan-on.
Duna matud pa’y mupasulod og mga sigarilyo ug ibaligya pa niini og 200 pesos per stick ug 4,000 pesos per pack. Ingon usab ang mga staff niini, gihugtan na ang ilang inspeksyon aron nga hingpit na nga mapakgang ang kabuang sulod sa maong pasilidad.
Sa laing bahin gitataw usab ni Ibones nga wala’y nahitabong maltreatment sa Second chance butang nga napamatud-an usab ni Cebu City Mayor Edgardo Labella.Duna matud pa’y mga doktor nga naka-skedyul nga mag-adtoan para muhiling sa mga bata ug duna usab mga tambal nga naka-andam. Wala usab mga bun-og sigon ni Ibones ang mga bata hayan dili niini masabtan kung diin gikan ang taho nga dunay maltreatment sa sulod.
Sa pagkakaron duna pa gihapo’y 4 ka book nga mga miikyas sa Operation Second Chance ang wala pa madakpi.
