-- ADVERTISEMENT --
SIKOP ang manag-agaw human makuhaan og binulto nga ginadiling drugas atol sa gipahigayong buybust operation sa may Sitio Barabas, Brgy. Kinasang-an, dakbayan sa Sugbo.
Giila ang mga dinakpan nga silang Baby Rose Rama, 28 anyos; ug Mae Villanueva, 29 anyos, ug parehong mga residente sa Brgy. Calamba sa susamang dakbayan.
Gipanguluhan sa mga sakop sa Philippine Drug Enforcement Agency (PDEA) ang maong operasyon diin ilang nahipos ang gidudahang shabu nga nagkantidad og 230,000 pesos.
Nasayran nga parehong nakagawas gikan sa prisuhan ang manag-agaw nga gituohang mga durugista.
Natanggong sa prisuhan ang mga dinakpan ug mag-atubang og kasong kalapasan sa Comprehensive Dangerous Drugs Act.
-- ADVERTISEMENT --
