Tumulak mibwelta sa pamahayag sa executive director sa Operation Second Chance

CEBU CITY-Gitataw ni Cebu City Councilor Dave Tumulak, ang sakop sa committee on Public Safety, nga ang iyang mando sa executive director sa Operation Second chance nga si Ambrosio Ibones nga maghimo usa og parallel investigation ayha mubungat og estorya.

Kini human nga miingon si Ibones nga wala siya makatubag sa pangutana sa media gumikan kay duna siyay gag order gikan ni Tumulak ug ang statement ni Tumulak ang dili matud pa kompleto.

Gisaysay ni Ibones nga, gipani-unan ang iyang sakop sa mga batan-on.

Sa dihang nahinabi sa Bombo Radyo Cebu si Tumulak, nagkanayon kini nga ang boot lamang niya nga ma-imbestigaran una, sanglit ‘unfair’ man usab kini sa mga batan-on nga sila ang pakasad-on nga nakagawas sila.

Kini tungod usab kay wala man kini nahitabo sa una nga dili pa si Ibones ang nagdumala.

Dason pa ni Tumulak nga pinulis ang istilo ni Ibones ug tan-aw niini sa mga batan-on mga piniriso nga unta mga children in conflict with the law (CICL) kini og nakalatid na kana sa balaud.

Sugyot sa konsehal nga unahon gyud nga himoon ang parallel investigation para masuta ang tinood ug patas nga hiinungdan sa nahitabo.