CEBU CITY-Walay dakong epekto sa dagan sa umaabot nga 2022 election sa Pilipinas ang isyu sa vice presidency nila ni kanhi senador Bongbong Marcos ug Vice President Leni Robredo.
Gibutyag ni Ryan Maboloc, political analyst, nga walay epekto sa politika sa Pilipinas ang maong hisgutanan inay naghatag kini ug lig-un nga ‘manifestation’ nga nagpadayun ang demokrasya sa nasud.
Matud pa nga anaa sa gihapun tukma nga proseso sa electoral protest kung diin nahisubay sa nakalagda sa Konstitusyon.
Sigon ni Maboloc nga kung unsa may desisyon unya sa Korte hayan isip kabahin sa demokrasya, angayan kini nga dawaton sa mga Pilipino.Apan napanglantawan ni Maboloc nga kung ugaling mudaug si kanhi senador Bongbong Marcos sa recount hayan makamugna kini ug dakung kwestyon sa kredibilidad sa automated election.
Hinu-un, giingung dili angayan nga hunungon ang automated election inay mas palig-unon lang ang transparensiya.
Nagkanayun kini nga dili maayu nga ibalik ang manual election gumikan kay gituhu-an niini nga mas duol kini sa korapsyon.
