Mipahimangno si Cebu City Mayor Edgardo Labella ngadto sa mga drug protector o ni bisan kinsa nga nalambigit sa iligal nga drogas, nga manglayas na sa dakbayan sa Sugbo.
Mibahad si Mayor Labella nga dili luwas ang dakbayan alang sa mga iligalista hinungdan nga mas maayong mubiya na kini.
Apan giklaro sa mayor nga magpabiling luwas ang dakbayan sa Sugbo alang sa mga tawo nga masinundanon sa balaod ug dili mga iligalista.
Nagkanayon si Labella nga walay luna ang mga dautan nga tawo dinhi hinungdan nga karun pa lang mas maayong mubiya na kini sa dakbayan.
Kini ang pamahayag sa mayor human sa nahitabong pagpamanhig patay ni Clarin Misamis Occidental Mayor David Navarro sa dalan M. Velez, Barangay Guadalupe, dakbayan sa Sugbo niadtong Oktubre 25, adlaw nga Biyernes.
Nanghinaut si Mayor Labella nga ‘no nonsense investigation’ alang sa nahisgutang insidente. (with reports by Bombo Jun Salde/sbr)
