CEBU CITY-‘Duwa’ lang ang tanan kung si Mik Pasinabo ang pangutan-on, kinsang vendor sa mga ‘duplicate keys‘ sa Colon .
Kini midangop sa Bombo Radyo Cebu aron nga mupadayag na usab sa ilang yango-ngo human nga hangtud karon wala matud pa matuman ang saad sa gobyerno nga tabangan sila.
Matud niini nga lingaw-lingawon ra sila sa saad nga tagaan og financial assistance, butang nga matud pa wala na nila gikinahanglan.
Gani bisan ang giingong assistance gikan sa DOLE ang wala gyuy nakadawat bisan usa. Gikahibulong usab niini nga ang vendors ra matud pa sa Cebu City ang nagkaguliyang samtang ang ubang dakbayan sa probinsya ang wala matud pa problema.
Samtang gikapoy na ang tigpamaba sa Barog Vendor Coalition kinsang usa sa mga nakabati nga misaad si Cebu City Mayor Edgardo Labella nga makabalik sila ug gani ipahimutang pa sila atol na sa pagbisita niini kauban ang inila nga industrial designer nga si Kenneth Cobonpue.
Sigon pa nga misaad si Mayor Labella nga makabalik sila sa ilang pwesto samtang wala pa ang desinyo ni Cobonpue.
Hayan nanghinaot kini nga matuman ang maong saad bisan paman og wala na’y muatubang nila sa City hall kung sila mureklamo didto.
