MANDAUE CITY – Sayo nga naabot ang medical team sa Mandaue City Health Office sa Barangay Casuntingan gym kung diin anaa kasamtangan nga gipahiluna ang mga fire victims sa Sitio Pilapil sa nahisgutang barangay.
Gibutyag ni Dr. Armendo Ceniza, Jr., nga wala may ‘major’ nga sakit nga gihambin ang mga fire victims gawas lang sa mga bata nga adunay ubo ug sip-on, ingun man ang pipila nga samdan gumikan sa sunog.
Matud pa nga libre lang ang gipahigayon nila nga check-up, ingun man nga libre usab ang mga tambal nga ilahang gipanghatag.
Samtang, pipila usab sa mga biktima sa sunog ang nagpabilin lang sa ilahang tagsa-tagsa ka mga area ug nagpasilong lang una sa gagmay nga tent.
Apan yangungo sa maong mga biktima nga wala gayud maabot ang tabang sa CSWS didto kanila ug gani pag-abot sa Bombo News Team sa fire scene, giingong daghan sa mga fire victims ang namunit ug mga mahimo pang matimbang arun ilahang makwartahan ug ipalit nila ug pagkaon alang sa ilahang pamahaw kaganihang sayo sa buntag.
