Nakugang ang opisyal sa Barangay Hipodromo, dakbayan sa Sugbo, human nasikop ang ilang clerk sa buybust operation kagabii.
Kahinumduman nga nasikop ang dinakpan nga si Analiza Mendez, 40 anyos, human nakuhaan og mga pinutos nga shabu atol sa operasyon sa San Nicolas Police Station.
Matud Brgy. Councilor Julius Torres nga hilabihan silang nasorpresa sa pagkasikop ni Mendez ilabi na nga wala masayud sa giingong ilegal nga binuhatan sa clerk.
Nakamatikod si Torres, kinsang chairman sa barangay peace and order council, sa transaksyon ni Mendez diin, matud pa, miduol kaniya ang usa ka alyas “Iray” niadtong nakalabay nga buwan.
Apan gibutyag usab sa konsehal nga wala sa listahan sa barangay anti-drug abuse council si Mendez gumikan sa giingong pagkadurugista.
Nabantayan usab niini nga moduty kini sa ilang buhatan sa buntag apan gabii na kung makauli sa ilang panimalay.
Samtang gi-angkon usab sa habig sa barangay nga maglisud sila sa pagkunhod sa duwa sa drugas bisan pa man sa ilang pagpakabana.
