Nagpadayon ang hot pursuit operation sa PNP alang sa pag-rescue sa unom ka “children in conflict with law” kinsang miikyas gikan sa Operation Second Chance sa Brgy. Kalunasan, sa dakbayan sa Sugbo.
Matud ni Police Senior Master Sergeant Carmi Lotes sa Guadalupe Police Station nga naablihan sa mga menor de edad ang main gate sa detention facility ug miikyas dayon.
Tungod niini, nanawag ang guard sa ‘Second Chance’ ngadto sa kapulisan alang sa pagrescue sa mga miikyas.
Dugang pa ni Lotes nga nakig-alayon na kini sa mga nangulo sa Operation Second Chance alang sa sunod pang mga lakang subay na sa ilang imbestigasyon.
Gisuta pa usab sa kapulisan ang hinungdan sa nahitabong jailbreak sa ‘Second Chance’.
Kini na ang ikaduhang higayon sa maong insidente human nga miikyas ang laing 11 ka mga CICL sa maong pasilidad niadtong Oktubre.
