CEBU CITY – Mihangyo ang Cebu City Police Office sa publiko nga tutokan ang pagbantay sa palibot ug dili ang signal shutdown.
Gibutyag ni CCPO Director Police Colonel Engelbert Soriano nga dili angayan mabalaka ang mga tawo gumikan kay ipatuman lang ang signal shutdown kung adunay dagkong hulga sa seguridad sa Sinulog Festival 2020.
Matud ni Col. Soriano nga usa ka standard protocol ang pagpatuman ug signal shutdown kung adunay hulga.
Dugang pa niini nga padayon man ang ilahang koordinasyon sa uban pang mga ‘concern government agencies’ alang sa mas hugot pa nga seguridad.
Gisiguro ni Col. Soriano nga nakaplastada na ang ilahang mga security measure ug gipangayo na lang niini ang kooperasyon sa katawhan.
Gani, gi-asuy sa police official nga mutunga man o dili si Presidente Rodrigo Duterte dinhi sa Sugbo hayan magpabiling ‘intensified’ ang ilahang security measures.
