CEBU CITY – Gipasabot ni Dr. Dan Salud nga mahilig ug kaon ang mga Chinese ug ‘exotic food’ gumikan sa giingong makahatag kini nila ug taas nga enerhiya.
Matud ni Salud nga ang maong mga pagkaon ang taas ug protina hayan makahatag gayud kini ug igong enerhiya sa tawo.
Apan gitataw niini nga dili angayan nga manghinobra ang pagkaon ug mga ‘exotic food’ sanglit adunay mga mananap o insekto nga dili gayud usab angayan nga i-consume sa tawo.
Sigon pa nga ang mga Chinese ang wala mag-limit sa ilahang kaugalingon gumikan kay naandan naman usab nila ang pagkaon ug mga’exotic food’.
Kini ang pamahayag ni Dr. Salud subay na sa kontrobersyal nga coronavirus (CoV) diin giingong nagagikan sa mga mananap nga gikaon sa mga Chinese.
Gani, giingong dili imposibli nga magagikan ang maong virus sa China gumikan kay giingong adunay ‘close contact’ ang mga Chinese sa mga mananap diin halos kanila ang adunay binuhi sama na lang sa baboy, baka, ug uban pa diin isip usa ka ‘communist country’, gikinahanglan kini nila sa paghatag ug bahin ngadto sa ilahang gobyerno.
Tambag na lang ni Dr. Salud nga imintar ang pag-inom ug bitamina arun nga dili daling mataptan ug bisan unsa man nga virus.
