CEBU CITY — Nag-awayay og nagkagubot matud pa ang mga gipamutang sa quarantine facility sa Brgy. Lahug, dakbayan sa Sugbo sa wala pa kini gibalhin sa pinamungahan.
Kini ang gibutyag ni Police Corporal Roselyn Tubalde sa Talamban PNP, kinsang maoy naasign sa area.
Atol sa tulumanong Bombo Barangayan, gi-asoy niini nga gipadala siya aron nga i-contain ang gubot gumikan kay mismong ang guard mikasa na sa iyang shotgun gumikan kay dili magpahusay ang mga gipang-quarantine.
Paghulagway pa sa police officer nga arrogante ug mismo paglabay sa basura mahimo pang gubot. Apan maayo nalang matud pa kay sa iyang pag-abot,nacontain ra niini ang maong gubot.
Samtang nagkanayon ang guard sa maong edipisyo nga si Marjun Erojo nga hasta siya ang hinganlan na og dili maayo sa mga indibidwal nga gipanghatud sa naaoy nga facility gumikan na matud pa sa ilang kahimtang nga kini wala nakauil sa ilang balay inay gipaubos hinoon sa quarantine.
Init matud pa tanan og ulo gumikan na usab sa unang reklamo nga walay tubig. Nasabtan matud pa sa guard ang ilang kahimtang apan nagbuhat lang usab sila sa ilang trabaho nga magbantay sa area human nga kalit lang nga naay gipanghatud nga mga tao.
Nasayran nga 14 ka mga indibidwal ang gibutang sa maong building sa 3 ka adlaw sa wala pa kini gi-forward sa Pinamungahan.
‘Maningkamot lang mi’
Maningkamot lang matud pa alang sa kaugalingon. Kini ang gibutyag ni James Benidect Parangan residente sa upper Panabang Brgy. Lahug ning dakbayan kung diin nahimutang ang ika-3 nga Quarantine facility.
Kini human nga bago-hay lang usab silag mga residente sa lugar nga nasayud nga ang naasoy nga building ang gihimo diay nga quarantine building.
Matud pa niini nga sa iyang nasayran mao kini ang building nga gamiton kung naay mubakwit sa panahon sa katalagman apan lisod lang usab ang suplay sa tubig.
Hinoon, alang kang James wala siya gibati og kahadlok dili sama sa ubang mga residente nga nangaratol og nangahadlok.
Nasayod usab matud pa si James sa prevention batok sa COVID-19 ug sila nalang naningkamot.
Wala usab kini makabutyag sa nga gihimo sa barangay alang sa pakigbatok niining maong sakit apan miangkon kini nga 12 years na siya nga nagpuyo sa naasoy barangay.
Hinoon, gihulagway niini nga si Kapitan Jingjing usa ka aktibo nga opisyal.
