CEBU CITY — Usa matud pa ka krimen ang pagtawag ug pagsuporta sa revolutionary government o RevGov nga gipanguluhan sa administrasyon ni Presidente Rodrigo Duterte.
Kini ang pamahayag sa usa ka manlalaban ug historian nga si Atty. Clarence Paul Oaminal subay na usab sa panagpulong sa 300 ka mga tao sa Clark Freeport sa Pampanga kalabot niining maong panawagan diin gilusad sa Mayor Rodrigo Roa Duterte-National Executive Coordinating Committee (MRRD-NECC).
Matud ni Oaminal nga nakalapas pa gani kini sila sa quarantine protocol gumikan kay gidili paman ang panagtapok.
Apan giklaro ni Oaminal, nga gubot kung kini matuman gumikan kay mahitabo man nga wala nay sundon nga balaud ang mga katawhan sulkwahi sa gobyerno karon nga nagtamud sa batakang balaud.
Dason pa sa manlalaban nga walay bintaga ang RevGov inay kayagaw lang ang resulta.
Nanghinaot nalang si Oaminal nga mutingog ang senado ug uban pang pangagamhanan kalabot niining tulukibon nga hisgutanan. /FDP
