CEBU CITY – Nakasinati ug pipila ka problema ang mga tunghaan sa dakbayan sa Mandaue nga nipahigayon ug online classess ning pag-abli sa klase ning school year 2020-2021.
Lakip sa mga tunghaan sa syudad nga nipahigayon ug online classess ang Mandaue City Science High School ug Mandaue City Comprehensive National High School.
Wa malikayi nga masinati sa pipila ka magtutudlo ang internet connection.
Nasayran nga una nang gilauman sa pipila ka mga magtutudlo ang susamang aberya apan di gihapon matod pa kini makapugong sa pag-abli sa klase ingon man sa pagpahigayon sa klase ning school year 2020-2021.
Samtang adunay pagsaka sa mga nagpa-enroll niini nga tuig sa Mandaue City Science High School diin anaa sa 469 ang mga nagpa-enrol karon nga tuig, taas ug pipila ka ihap kung itandi sa nakalabay nga enrolees nga anaa sa 451.
Karong adlawa ang unang adlaw sa pag-abli sa klase sa mga pang publikong tunghaan sa basic education diin nagkada-iyang pama-agi sa pagklase ang gipatuman gumikan sa epekto sa coronavirus pandemic.// EKP
