CEBU CITY – Napalgang patay ang duha ka mga indibidwal human nitumaw ang dakong sunog niadtung Oktubre 4, 2020 sa kagabie sa usa ka panimalay sa Brgy. Sambag 1, dakbayan sa Sugbo.
Nakadawat og alarma ang mga taga-Cebu City Fire Department human niulbo ang kayo sa takna nga alas-11:34 sa gabii ug giisa kini sa second alarm pagkalabay sa pipila ka minuto. Daling gipawong sa kabumberuhan ang nasunog nga balay pasado alas-12 sa kaadlawon.
Nakit-an sa mga kabumberuhan nga wala nay kinabuhi ang tag-iya sa balay nga si Dr. Neri ug ang kauban niini nga giilang si Francesca.
Matud ni Fire Officer 2 Fulbert Navarro sa Cebu City Fire Dept. nga naugdaw ang balay nga gipanag-iya ni Dr. Glenda Mayol-Neri ug mokabat ngadto sa P4.8-million ang natala niining danyos.
Dugang pa niini nga daling gidala sa tambalanan ang nahisgutang mga indibidwal apan gideklarar kini nga dead on arrival.
Giimbestigaran karon sa kabumberuhan kung unsa ang hinungdan sa maong sunog nga maoy nakaapekto sa tulo ka mga pamilya.// EKP
