CEBU CITY – Anaa gihapon sa kapin 900 ang mga coronavirus patients kinsang nagpaalim karon sa tambalanan human nga natala ang 52 ka mga bag-ong kaso sa COVID-19 sa Central Visayas sa Oktubre 21, 2020.
Base sa case bulletin sa Department of Health (DOH)-7 kagabie, nisaka sa 902 ang active cases gikan sa 21,923 ka mga confirmed cases lukop rehiyon.
Samtang nidugang og 28 ka mga ihap sa mga nangaayo sa coronavirus ug nisaka na kining total recoveries ngadto na sa 19,692.
Samtang 13 usab ang nidugang sa mga namatay hinungdan nga anaa na lang sa 1,329 ang total deaths.
Natala ang 52 ka mga bag-ong positive cases human nipagawas ang ahensya og 3,276 ka mga test results gikan sa pito ka mga laboratoryo.
Nagagikan ang mga bag-ong mga nagpositibo sa Mandaue City nga adunay siyam(9) ka mga bag-ong kaso, walo(8) sa Cebu City, ug siyam (9) usab sa Lapu-Lapu City. Samtang 20 ang natalang bag-ong kaso sa probinsya sa Sugbo ug unom(6) sa probinsya sa Bohol.// EKP
