CEBU CITY – Gihimug-atan ni Cebu City Mayor Edgardo Labella nga hinay-hinayon og pagpabalik ang mga traditional jeepney sa mga rota nga gi-aprobar sa Land Transportaion Franchising and Regulatory Board (LTFRB) ingon man sa Cebu City Transportation Office (CCTO).
Matud pa ni Mayor Labella atul sa usa ka press conference karon adlawa, mo-abot sa kapin usa ka libo nga mga traditional jeepneys ang plano nga padaganun og balik sa dakbayan.
Kung diin gisiguroon usab nga mosunod kining mga drayber ug i-andam ang ang ilang mga units nga sanung sa guidelines alang sa new normal situation.
Mosumiter ang mga drayber sa tukmang dokumento sa mga tinugyanan sa LTFRB-7, LTO, ug Cebu City Health Department arun nga pabalikun kini og biyahe sama sa lisensiya, roadworthiness test, health clearances ug uban pa.
Kung diin ipa-ubos sa rapid antigen-antibody test ang mga draybers arun nga masuta kung nagpositibo kini sa COVID-19.
Sa oras nga hingpit na kini nga makabiyahe, gikinahanglan usab nga i-mentenar sa drayber ang one-meter distance matag pasahero inabagan sa mga plastic shields nga imontar aron masiguro nga walay contact nga mahitabo.
Samtang, ipadayon usab nga ipatuman sa dakbayan ang ‘no face mask and face shield, no ride policy’.
Gikatakdang pagpahigayun og “One stop shop” kung diin sutaon ang mga traditional jeepney ug mga draybers karong umaabot nga Oktubre 30 ngadto na sa Nobyembre 3 niini nga tuiga.// EKP
