Sunog niulbo sa bodega sa mga sinina; danyos niini niabot og P2-M

CEBU CITY — Mokabat sa gibana-banaang kapin sa P2 million nga kantidad sa danyos sa niulbong sunog sa 5th St., Happy Valley Brgy. Guadalupe dakbayan sa Sugbo kagabii.

Sa kasayurang nahipos gikan sa Bureau of Fire Protection Cebu City, usa ka establisyemento ang nasunog diin giila ang tag-iya niini nga si Eddie Chua.

Usa ka pamilya ang apektado o anaa sa pito ka indibidwal ang naapektuhan sa maong insidente.

Dali hinuon nga nakaresponde ang mga bomberu sa maong sunog nga ni-abot pa sa second alarm.

Nadawat sa mga bombero ang report alas 7:02 sa gabie diin mag alas otso ang takna gisaka na kini sa second alarm.

Pasado alas otso sa gabie gideklarar nga fire-out ang sunog.

Wala’y natala nga naangol sa maong insidente.