CEBU – Nipasidaan ang usa ka chemist sa publiko kabahin sa paggamit og mga scented candles sa panimalay.
Nindot ang maong mga kandila gumikan magpuno kini sa kanindot sa balay ingon man maghatag kini kahumot.
Apan, gibutyag ni Dr. Dan Gubler, usa ka PhD organic chemist, nga mamahimong maghatag kini og dakong kadaut sa panglawas.
Tataw pa ni Dr Guble, nga daghang mga clinical studies ang nigawas dili pa dugay nga ang permanenteng paggamit sa mga kandila sulod sa panimalay makahatag og seryosong problema sa panglawas lakip na nga pugngan niini ang normal nga pagtubo sa mga selyula sa bladder o pantog.
Matod pa sadoctor, nga naglikay ang katawhan sa polusyon sa gawas apan mas dakong problema nag mahatag sa indoor pollution nga makuha sa indoor candles ug air fresheners.
Gipasabot ni Dr Guble nga gama sa baratohon nga paraffin wax, artificial fragrances, ug dye (tina) ang mga kandila hinungdan nga kung kini dagkotan mobuga kini og carbon monoxide, carbon dioxide, sulfur dioxide, Benzopyrene, ug uban pang volatile compounds.
