Driver ug angkas gibanhigan patay sa lungsod sa Consolacion

CEBU – Patay ang driver sa motorsiklo ug ang angkas niini nga babaye dihang gibanhigan sa wala pa mailhing mga mamumuno pasado alas 11 sa hapon adlawng Huwebes, Marso 31, 2022, sa Brgy.Tilhaong, lungsod sa Consolacion, amihanang bahin sa Sugbo.

Giila ang lalaki nga napatay nga si Perlito Lacaron sa Sitio Mahayahay, A.Lopez, dakbayan sa Sugbo base na usab sa mga dokumento nga nakuha gikan sa biktima.

Nagpabilin nga wala pa mailhi ang babaye nga angkas niini.

Daling gidala sa Eversly Hospital sa Mandaue City ang mga biktima apan gideklarar kini sa mga attending physician nga dead on arrival.

Padayon pa nga gi-imbestigaran sa kapulisan sa Consolacion ang maong insidente ingon man ang pag-ila sa babayeng biktima.