Pagpanglimpyo sa tanang mga campaign posters sa dakbayan sa Mandaue, gisugdan na

CEBU – Nagpadala na ug mga tawo si Mandaue City Mayor Jonas Cortes arun nga manglimpyo sa tanang mga campaign posters.

Kini subay sa panawagan sa Mandaue City Environment and Natural Resources Office (MCENRO) sa tanang mga kandidato sa nakalabay nga eleksyon nga manglimpyo sa ilahang mga campaign materials.

Gibutyag ni Mandaue City Administrator Atty. Jamaal James Calipayan nga miluwat na ug kamandoan si Mayor Cortes sa pagpanglimpyo lukop dakbayan.

Matud pa, aduna na’y mga tawo nga nagsugod na sa pagpanglimpyo.

Gipahibalo ni Atty. Calipayan nga ang mga tawo nga gimandoan nga mamilit sa maong mga poster kay mao usab ang mutangtang niini inabagan sa mga sakop sa clean and green.