CEBU – Nitaho ang Cebu City Health Department nga adunay dakong pagsaka sa kaso sa dengue sulod sa unang lima ka buwan sa tuig 2022.
Matod pa ni Dr. Jeffrey Ibones ,ang health officer sa Cebu City Health Department, nga gikan sa 40 lang ka kaso sa samang panahon niadtong 2021, ang CHD nakatala ug labing menos 400 ka kaso karong tuiga nga adunay 13 ka namatay nga nag-edad og usa ka tuig hangtod 15-anyos.//
Hinungdan nga giawhag sa mga opisyal sa City Health ang mga opisyal sa barangay nga seguraduhon nga matangtang sa ilang mga konstituwente ang nagpundo nga tubig sa ilang tagsatagsa ka lugar.
Gitambagan usab ni Dr. Ibones ang mga ginikanan nga ipa-ubos sa dengue test ang ilang mga anak kung makasinati sila og kanunay nga hilanat o adunay mga timailhan sa rashes.
