CEBU – Napanglantawan sa mga hingtungdan nga ahensya sa gobyerno sa dakbayan sa Talisay nga gumikan sa basura ug mga nagtipun-og nga salin sa semento o bas nga mibara sa mga agi-anan sa tubig.
Gibutyag ni Jonathan ‘Joy’ Tumulak, ang head sa City of Talisay Traffic Operation and Development Authority (CT-TODA), nga gisusi sa mga sakop sa Aksyon Agad ang area kung diin grabi ang baha, ug nasuta nga gumikan sa daghang mga basura sa culvert, samtang sa lain usab nga bahin, nasuta nga adunay mga semento ug mga bas nga nagpundok, hayan dili na maka-dagayday ang tubig.
Matud pa, dali nga gilimpyohan sa mga sakop sa Aksyon Agad ang naasoy nga mga culvert, ug mikabat ang duha ka oras, mihubas lang usab ang tubig-baha.
Samtang, gipahibalo usab ni Tumulak nga naalarma na si Talisay City Mayor Samsam Gullas sa grabi nga mga pagbaha sa dakbayan hinungdan nga gikatakda kini nga makigpulong sa mga barangay kapitan kauban ang uban pang mga hingtungdan nga ahensya sa dakbayan arun nga mahatagan ug solusyon ang dugay nang problema sa baha.
