Loreche gihangop ang pagduaw ni Mayor Rama sa CCMC , gibutyag nga babag sa serbisyo sa CCMC ang hinay nga kalamboan imprastruktura

CEBU – Gikalipay ni Dr. Mary Jean Loreche ang gihimong pagbisita ni Cebu City Mayor Mike Rama sa Cebu city Medical Center ( CCMC) niadtong adlawng Miyerkules Hunyo 6, 2022.

Kini aron makita sa mayor ang kasamtangang sitwasyon sa tambalanan dili lang sa mga pasyente kundi lakip na ang imprastruktura niini.

Nagkanayon si Loreche nga sa iyahang tulo ka adlaw nga paglingkod isip consultant sa maong ospital nakita niya ang kahinay sa kalamboan sa imprastruktura.

Diin alang sa opisyal usa ka importanteng hinagiban aron mahatagan og maki-angayong serbisyo ang mga Sugboanon.

Atol sa nahimong meeting , gibutyag ni Loreche nga gihagit ug gihatagan sa mayor og timeline ang kontraktor sa maong tambalanan.