CEBU – Mamahimong ticket aron makalikay sa COVID-19 hospitalization, ang intermittent fasting o ang pagpuasa.
Nakaplagan sa mga tigdukiduki sa Intermountain Healthcare sa Utah nga ang mga tawo nga nagpraktis sa tubig lamang nga intermittent fasting sulod sa mga dekada dili kaayo makasinati og grabe nga mga komplikasyon tungod sa impeksyon sa COVID-19.
Una nang nakita nga maminusans a intermittent fasting ang inflammation ug makapa-uswag usab kini sa cardiovascular health.
Sa gihimong pagtuon nila ni Benjamin Horne, director sa cardiovascular and genetic epidemiology sa Intermountain, nakita nila ang dugang benepisyo sa pagpraktis og puasa sulod sa pipila ka tuig kung bahin sa pakigbugno sa impeksyon sa COVID-19 ang hisgutan.
Nangolekta ang mga researchers og datos gikan sa usa ka voluntary registry sa healthcare center diin aduna silay naila nga 205 ka pasyente nga nagpositibo sa maong sakit taliwala sa buwan sa Marso 2020 ug Pebrero 2021 panahon nga wala pa magamit ang mga bakuna ug 73% niini ang nagpuasa labing menos kausa sa usa ka bulan.
Ug sa 73% sa maong ihap, 11% lamang niini ang nadala sa tambalanan.
