Graduation lei nga puro chichirya, gitaod sa usa ka senior high school student

CEBU – Nakadani og atensyon ang graduation lei nga nagbitay sa liog sa usa ka senior high school student gumikan inay nga mga buwak napuno hinuon kini sa chichirya.

Gi-captionan ni Jaymark og kataw-anan ang iyang hulagway nga gi-post sa iyang Facebook account niadtong Hulyo 3, 2022 diin nagkanayon kini nga dili kini padung mograduate inay padung kini maninda og pagkaon.

Bisan paman niini, mapasalamaton gihapon kini sa iyahang ig-agaw nga maoy naghatag sa iyahang graduation lei.

Gikalingawan kini dili lamang sa mga nisalmot sa graduation kundi lakip na sa mga online netizen og duna silay kaugalingong komento sa kabahin sa post.

Aduna pay nikomedya nga puwede nang magnegosyo si Jaymark.