-- ADVERTISEMENT --
CEBU – Gikatakdang mopahigayon ang kagamhanan sa dakbayan sa Sugbo og “massive” drainage declogging karong Septiyembre 17, 2022, subay sa International Day for Coastal Clean Up.
Ang kalihokan mao ang labing una sa Task Force Gubat sa Baha diin magsilbing overall commander si kanhi Department of Environment and Natural Resources (DENR) Secretary Roy Cimatu.
Pagasalmotan sa tanang kawani gikan sa pampubliko ug pribadong sektor ang pagpanglimpyo sa mga drainage system sa syudad o “esteros” karong Septiyembre.
Gikatakda usab nga mohimo ang Task Force “Gubat sa Baha” og consolidated masterplan kon unsaon pagsulbad ang problema sa pagbaha sa syudad diin ang tanang paningkamot sa task force ipa-ubos na sa usa ka unified command ubos ni Cimatu.
