CEBU – Giduso sa usa ka opisyal sa dakbayan sa Sugbo ang pagpaaktibo sa laing duha ka police station aron masiguro ang police visibility sa mga bukirang barangay.
Sumala ni Konsehal Philip Zafra, nga ang usa sa maong mga police station nahimutang sa bukirang bahin sa Barangay Malubog, kung diin giinagurahan na niadtong Hulyo 26 apan nagpabilin pa kini nga extension sa Talamban Police Station.
Dugang sa konsehal nga ang wa pa matukod ang estraktura nga mo-accommodate sa ikaduha sa bukirang barangay sa Adloan.
Kon maaprobahan, i-endorso na sa PNP ang hangyo sa siyudad ngadtu sa National Police Commission (Napolcom) ug sa Department of the Interior and Local Government (DILG) alang sa final approval.
Kasamtangang adunay kinatibuk-ang 11 ka police station sa dakbayan sa Sugbo.
