Giluwas sa mga personahe sa Local Disaster Risk Reduction and Management Office sa Cordova ang mga pasahero ug tripulante sa usa ka island hopping pumpboat nga nalunod sa kadagatan sa Barangay Gilutungan sa lungsod sa Cordova

CEBU – Giluwas sa mga personahe sa Local Disaster Risk Reduction and Management Office sa Cordova ang mga pasahero ug tripulante sa usa ka island hopping pumpboat nga nalunod sa kadagatan sa Barangay Gilutungan sa lungsod sa Cordova mga alas 11 sa buntag sa Domingo, Septiyembre 25, 2022.

Matud pa ni PCG PO3 Jaevin Bernardo/Cordova Sub Station Commander, nga nikalit og kadaot ang panahon og nidagko ang mga balud, hinungdan nga nasudlan og tubig ang bangka, nga nahimong rason nga nalunod kini.

Hinoon gihimug-atan sa opisyal nga luwas ang 32 kabook nga sakay sa pumpboat og wala ray nakasinati og grabing kaangol.