CEBU – Mihimo og emergency landing ang usa ka paraglider human niini makit-an gikan sa kahanginan ang usa ka sakyanan nga nahulog sa kanal sa Florida, USA.
Ug sa dihang giduol, giluwas niini ang usa ka edaran nga babaye nga natanggong sulod sa sakyanan.
Sa usa ka taho, anaa sa usa ka routine flight ang paraglider nga si Cristiano Piquet dihang nakit-an ang nahulog nga sakyanan.
Miduol kini aron tan-awon pag-ayo, ug nakahukom sa pagtugpa ug pagdagan paingon sa nahimutangan sa sakyanan.
Sa dihang miduol sila sa iyang higala, naabtan nila ang babye nga diha sa ibabaw sa nilubog nga sakyanan , wala makabiya ang babaye gumikan naipit ang iyang bukton.
Nagtinabangay si Piquet, iyang higala ug laing residente sa pagtangtang sa babaye nga natanggong, hangtod nga inanay nga naabot ang mga rescuer.
Nagpasalamat kang Piquet ug sa iyang mga kauban ang mga rescuer sa ilang tabang.
