CEBU – Nagplano ang Sangguniang Panlungsod sa Dakbayan sa Talisay nga ipatuman ang pagdili sa plastic aron momenos ang basura sa dakbayan.
Kini ang gibutyag ni Konsehal Lito Bacaltos, environmental solid waste management chairman, nga kinahanglan pa nilang hisgutan kung pila ka adlaw sa semana ipatuman ang ban.
Alang kaniya, ang kulang na lang sa pagpatuman sa total ban mao nalang ang pagpasabut sa katawhan aron sila mahibalo ug mabutangan usab og mga ngipon ang maong balaod.
Matud pa ni Bacaltos nga iyang nadiskubrehan nga sa matag higayon nga motubag ang mga sakop sa Aksyon Agad Team sa mga nabara nga kanal, plastik ang kasagarang hinungdan niini.
Dugang niya. Kon ang City Government dili makapangita og solusyon niini nga problema ug kon dili kini mopatuman og plastic ban, hayan mosamot ang paggasto niini.
