Hot pursuit operation sa mga kapulisan sa Labangon Police Station alang sa POI nga nipatay sa usa ka lalaki sa adlaw sa pasko, nagpadayun

Cebu-Padayun pa ang hot-pursuit operation sa mga kapulisan sa Labangon Police Station, sa ilahang Person Of Interest sa pagpatay sa usa ka lalaki pasado alas 2 sa kaadlawon niadtong adlaw sa Pasko, Disyembre 25, sa Sitio Nangka sa Barangay Tisa, dakbayan sa Sugbo.

Matud pa ni Police Major Janelito Marquez, hepe sa Labangon Police Station, kinsa niila sa biktima nga si Mike Gomez, 33, residente sa maong barangay, nga Personal nga pagdumot ug kalabot sa ilegal nga drugas ang ilahang gipanglantawan nga anggolo sa pagpamusil.

Dugang pa niini, nga ilaha pang gipalawman ang imbistigasyun arun sa pagsuta sa possibling laing hinungdan niini.