PROVINCE OF CEBU-Gimanduan ni Gobernador Gwendolyn Garcia ang sakop sa Philippine National Police (PNP) nga hunongon na ang pagpahigayon og raid batok sa mga kalihukan sa sabong sa mga LGU’s nga adunay mga ordinansa nga gipasar sa ilang tagsa-tagsa ka konseho nga nag-regulate sa sabong, nga nalatid sa Section 447 sa Local Government Code.
Matud pa ni Garcia niingon kining partikular nga probisyon sa PD 449, nga gipirmahan niadtong 1974, dugay nang gibasura sa RA 7160 o Local Government Code of 1991.
Gipasiugda sa gobernador ang Section 447, paragraph 3, v sa LGC nga naghatag ug gahom sa Sangguniang Bayan sa mga LGUs nga “magtugot ug maglisensya sa pagtukod, operasyon, ug pagmentinar sa mga sabungan, ug pag-regulate sa sabong ug komersyal nga pagpasanay sa mga gamecock.
Apan ang kadagkoan sa CPPO niingon nga ilegal kini tungod kay ang Presidential Decree No. 449, o ang Cockfighting Law of 1974, partikular nga nagmando nga ang maong mga kalihokan himoon lamang sa mga lisensiyado nga arena, ug sa Dominggo, holidays, ug lokal nga fiesta lamang.
