PROVINCE OF CEBU-Nakaangkon og dakong samad sa nawong ug tuong bukton ang 70 anyos nga amahan human kini gitigbas sa iyang 36 anyos nga anak lalaki didto sa Sitio Kulti Barangay Obong lungsod sa Dalaguete alas 10 Domingo sa buntag Hulyo 9, 2023.
Daling gidala ang biktima sa Argao District Hospital nga giilang si Jose Amacna Hontiveros 70 anyos usa ka mag uuma human ni tigbasa sa iyang anak nga si Jeniffer Hontiveros nga nag puyo ra usab sa maong dapit.
Sa imbestigasyon sa kapulisan sa lungsod sa Dalaguete nasuta nga nagka lalis ang amahan ug anak sulod sa balay niini apan ang suspek mikuha lang kinig kalit og sundang dayong panigbas sa amahan.
Atol sa manhunt operation sa pagpangulo sa hepe niini nga si Police Major Clemente Ceralde Jr. nadakpan usab dayon ang suspetsado nga si Jeniffer ug mag atubang kinig kasong Frustrated Parricide.
