CEBU CITY-Dismayado ang pamilyang Tocmo sa nahimong dagan sa imbestigasyon sa kaso sa kabanay nilang si Rhea Mae Tocmo, basi sa opisyal nga statement nga gipagawas niini pinaagi sa Facebook post ni Grace Tocmo Alad-ad, kagahapong adlawa, Agosto 11.
Matod pa nga dako ang ilahang kasagmuyo sa gipagawas nga resulta sa imbestigasyon sa kapulisan sa Labangon Police Station pinaagi sa ilang Hepe nga si Police Major Angelito Valleser, ug giingong kwestionable ang giluwat nga Extra-Judicial Confession ni Simeon “Gabutero”Gabutero,” kinsang niangkon nga mao ang responsable sa pagpatay sa hinigugma niini nga sa si Rhea Mae Tocmo.
Samtang, gikumpisal ni Gabutero kagahapon adlawa nga siya ang nipatay sa biktima ug gibutyag usab niya nga nahimo niya ang maong krimen gumikan sa tumang kahiubos.
Alang sa pamilya, daghan og kal-ang ang resulta sa imbestigasyon, sama na lamang sa wala pagpakita og ebidensiya sa conversation sa duha sa messenger labot sa giingon ni Gabutero nga gapadala siya og kwarta sa gcash.
Gikwestiyon sab sa pamilya ang wala pagpakita sa CCTV footages nga kanunay nga ginaingon sa otoridad.
Nahisgutan usab sa maong post nga dili nila madawat ang naasoy nga resulta sa imbestigasyon sanglit inay nga tabangan tabangan sila sa pagkab-ot sa hustisya daw sama paman hinoon og gidungagan pa ang ilahang gibating kasubo.
Dugang pa sa pamilya sa biktima nga “The police investigation is adding insult to our injury,” rason luyo sa ilanag panawagan para sa usa ka siparar nga imbestigasyon sanglit dili nila madawat sa pagkakaron ang gidangatan sa imbestigasyon sa naasoy nga kaso bisan pa man sa hapit usa ka bulan nila nga paabot.
