CEBU CITY-Gilauman nga 4,500 ka mga partisipante ang mosalmot atol sa Feast Conference (FeastCon) 2023, usa ka relihiyosong komperensya alang sa usa ka kawsa nga giorganisar sa Light of Jesus Community, usa ka Romano Katoliko nga ministeryo.
Usa ka bahin sa kita sa kalihokan, nga gikatakda karong Disyembre 2 sa IC3 Convention Center sa Barangay Mabolo, Cebu City, ma-adto sa Jeremiah Foundation, usa ka puy-anan sa mga batang babaye nga biktima sa sekswal nga pag-abuso.
Sukad sa pagsugod sa FeastCon 14 ka tuig na ang milabay, ang Light of Jesus Community aktibong kini nga nisuporta sa mga kalihokan ug organisasyon sa outreach ubos sa “mercy ministries.”
Sa miaging tuig ang FeastCon nagtigom og pundo alang sa Anawim Foundation, usa ka gamay nga pasilidad nga gipahinungod sa mga kabus ug gibiyaan nga mga tigulang.
