CEBU CITY-Nahugno ang dakong karsada sa dalan sa Legaspi, Street duol sa Patria de Cebu ug Metropolitan Cathedral kagahapon adlawa sa hapon, Setyembre 13, 2023.
Matud pa nga walay natalang naangol human nga nahugno ang maong dalan apan, mipasalig ang Cebu City Vice Mayor nga si Raymond Garcia nga maablihan sa dali nga panahon ang maong area arun sa paglikay sa bug-at nga trapiko.//
Sa laing bahin, nangayo og pasensya ang bise mayor ngadto sa mga hilabihan nga naapektuhan sa pagbaha sa nagkalain-laing dapit sa Cebu City tungod sa dili maayo nga panahon.
Dugang pa niya nga nagkanunayon na sa paglimpyo sa mga sapa, agianan sa tubig, ug paghawan sa mga drainage system pinaagi sa tabang sa Task Force Gubat sa Baha.
Gipahibalo usab niini nga magpahigayon og drainage de-clogging systems karong adlawa hangtud sa September 16 nga ang target mahuman ang Cebu Citywide Coastal Cleanup Challenge.
