CEBU CITY-Gibarugan ni Cebu City Mayor Michael Rama ang iyang desisyon sa pagtaktak sa mga empleyado sa Cebu City Hall ngadto sa 3,000 sa Mayo 2024.
Sa datus sa Cebu City Human Resource Department & Development Office, adunay kapin sa 7,000 ka mga kawani sa city hall kung diin ang 1,345 regular, ug ang 3,000 kaswal, samtang ang 3,000 ang job order employees.
Matud ni Rama nga ang mga trabahante nga adunay permanenteng posisyon dili exempted sa pagpakunhod sa mga employees.
Giawhag usab niya ang mga angayan sa early retirement sa pag-aplay na kung ang ilang lawas dili makahimo sa mga kinahanglanon sa trabaho sa kagamhanan sa dakbayan.
Ang pagpakunhod trabahante sa Cebu City Hall nagtumong sa pagbira sa mga dili matinud-anon, tapulan, ug dili sinsero nga mga empleyado sa ilang posisyon.
