CEBU CITY-Gibutyag ni Archdiocese of Cebu Archbishop Jose Palma pina-agi sa official statement niini sa Archdiocese’s official facebook page nga wala kini gibendetahan nga hubo nga imahe sa Snr. Sto Niño.
Kini subay sa nikatap nga video sa “Sto Niño Hubad” nga matud pa magdala og swerte sa makapanag-iya.
Subay niini, gipahimangnuan ang mga simbahan ug ang mga debotong Katoliko nga di mopalit sa maong rebolto ug gipa-alerto usab sa account sa social media nga naggamit sa “Sto Niño”.
Samtang gisaysay na usab sa Augustinian friars nga wala sila mag-promote sa Sto Niño nga dunay color green nga sapot nga gibaligya isip pampaswerte matud pa.
Usa ka facebook page nga adunay ngan nga “Viva Sto. Niño Items” ang nagpromote sa giingong pampaswerte nga Sto Niño nga hubo.
