CEBU CITY-Nakatala ang Mambaling Police Station og 14 ka mga kaso sa pagpamusil sa kasamtangang tuig, kung diin 3 niini ang natala ning bulan sa Oktubre.
Mao kini ang gibutyag ni Police Major Jonathan Taneo, ang hepe sa Mambaling Police Station.
Hinungdan nga mas gipalawoman pa sa kapulisan ang ilahang pag patrolya sa ilahang area of responsibility ug ingon man mas gipalig-on pa ang ilahang police visibility.
Basi sa imbestigasyon sa kapulisan, sagad nga hinungdan sa maong mga kaso kay adunay kalambigitan sa iligal nga drogas.
Gibutyag usab sa opisyal nga sa pagkakaron padayon pa gihapon ang hot pursuit operation sa kapulisan aron madakpan na ang mga suspetsado apan napasakaan na ni sila ug mga kaso.
Niawhag usab ang hepe sa katawhan nga dili mag-apil-apil sa bisan unsang iligal nga kalihokan aron malikayan nga mabutang sa peligro ang ilahang kinabuhi.
