CEBU CITY-Patay ang usa ka kanhi call center agent human gipusil sa Mambaling Cebu City, gahapong adlawa Nobyembre 1, 2023.
Giila ang biktima nga si Jaggy Dave Semblante, kinsang lumlupyo sa puntod Alaska Mambaling ug e-bike drayber sa maong dapit.
Matud sa pamilya sa biktima nga kasamtangang nagpaabot pa kini nga madawat sa iyang gi-applyan nga call center company.
Ug sa pag-imbistigar sa mga kapulisan, nasayran nga nalambigit ang biktima sa ginadiling drogas, tulo na ka buwan ang milabay.
Sa pagkakaron, ang Mambaling Police Station nga gipangulohan ni Investigator Patrol Man, Felmar Gomez nga nagpadayon sa gihapon ang ilang imbestigasyon ug aduna nay gitan-aw nga suspek diin gipanglantawan nga ang motibo mao ang personal grudge lakip na ang kalambigitan niini sa ilegal nga drogas.
Nasayran usab nga maong biktima gipusil sa liog ug nisuway pa og dagan nga nisakay sa e-bike aron unta madala sa tambalanan, apan didto na kini na kabsan sa kinabuhi.
Sa laing bahin, padayun ang gipahigayon nga man-hunt operation sa mga kapulisan alang sa pagsikop sa gidudahan nga suspek ug nag-atubang na kini sa kasong murder.
