CEBU CITY-Gipasakaan na og kaso ang duha ka suspetsado sa pagpusil patay kang Police Corporal Ryan Languido Baculi.
Lakip usab sa gikiha ang duha ka barangay Tanod sa Inayawan nga mitabang matod pa sa pagpa ikyas sa mga suspetsado sa dihang nahuman ang engkwentro.
Dugang pa, nga kasong murder ang gipasaka batok nilang Rafols ug Salazar samtang kasong accessory to the crime ug obstruction of justice ang gipasaka batok sa duha ka tanod.
Matod ni Police Lieutenant Colonel Gerard Ace Pelare spokesperson ni Police Brigadier General Anthony Aberin hepe sa PRO7 nga duna sila’y mga ebedensya mag tumbok sa duha ka tanod sa Inayawan nga apil sila sa krimen.
Gitino ni Pelare, nga bisan paman ug ma file na ang kaso nilang Atong Bacalso Rafols ug Ramil Salazar magpadayon gihapon ang hot pursuit operation sa kapulisan.
Dako ang pagtuo sa kapulisan nga wala pa makalayo sa Sugbo ang maong mga suspetsado nga maoy hinungdan nga magpadayon ang ilang pag gukod niini.
